Empasa parut panduk daun pisang....

Nyadi kemari (ari minggu) diau aja ba...lelak diri gak ari enam ba pesta belon ba putrajaya nya...semadi ka diau diak aku nguji ngaga empasa parut dah nya ka rebus ba daun pisang...lama enda makai utai bakanya...suba selalu mai sida indai ngaga ia...nadai nya beleman ngaga ia..mina ngena empasa enggau daun pisang...buah empasa beli aku ba pasar borong selangor maia ka pulai ari Putrajaya kemari...

Tuk gaia buah empasa udah di kupak kulit...

dah nya parut ba bisen...ngenat mata parut ka mit..

buah empasa udah diparut..

dah nya campur gula secukup rasa meh...
tuk daun pisang..beli daun pisang tuk..sebungkus RM0.50..
udah tuchi..daing ba api mimet ngambi daun pisang lembut sereta enda mudah carik...

dah nya engkah empasa k udah campur gula ba daun pisang..giling manah2
tuk ko gaia ia udah diengkah dalam daun pisang..
dah nya rebus....15 ka 20 minit chukup meh...janji ia udah mansau..

heheee....nya ia udah mansau...nyammmm...

Aktiviti 27 Februari 2010

Laban ka cuti maia 27/02/2010 empai lama dia aku ka ngemai bala kami menyanak mandi ba Ulu Yam..sambil nya aku ka ngaga salai ikan keli..nama kabuah pia...kira ngaga stok ka lauk meh....laban salai ia olih simpan ba peti ais...tumu kami menyanak nurun ari Shah Alam..jam 6 pagi...ting-tong datai ba Ulu Yam dalam 8.30..ni bebeli ka barang, gik.....nyadi kena aku nyalai ia...mula2 ngidup ka api ngena arang ..dah nya ngena kayu kering mimet...udah nya baru kayu idup...laban ngena kayu idup api enda mau.....dalam jam 5.30 kami mutar ka diri...ngam siri ga salai ikan...

maioh bala laut meda aku ngaga para diak...hahaaaa..duli apa ku, kitai ka ngidup ka diri...

gaia para sereta ikan keli ka deka salai...bisi manggang sayap sereta pansuh ikan baung....hehehe

ikan keli udah chukup salai...fush.....ngam....slurrrp!!!..

Ikan Patin Pansuh

Akai dai!!..lama enda nyerurik blog tu..nyau bulan 3 dah....bulan 1&2 sibuk mimet laban kompeni server kena virus sereta maioh cuti meh...nyadi sekalu tu ka nusi mimet aku ka nguji ngaga Ikan Patin Pansuh...nguji meh...maioh urang madah ikan tuk bau lang enti enda nemu manduk ia...nya aku ka nguji ngena buluh (pansuh style)...nadai ia jauh beda kelaba aku...sama spesis enggau baung tauka keli utai tuk deh...

Nyadi ramuan kena aku baka lia, bungai kecala, serai enggau daun kesum (meri bau mimet) anang enda ngena garam ga...cukup meh nya..bicing & bawang enti maia mansuh sigi enda kala kena aku..enggai ka asai lauk enda pure.....peda meh gambar ba baruh tu..

Ikan Patin ka udah ditetak umbas ia.......

Serai...

Lia (halia)..kerat alus..

Tuk meh daun kesum ko urang...ngambi bau ia asai bau rengut...kitai iban maioh ngena daun bungkang nyamai gik...

so..semua utai nya tadik dicampur sereta digaul ba bisen enggau ikan patin sereta tabur garam...beri masin mimet manah gi sepi aku (secukup rasa meh)

hahahaa...chara masuk ka ia ba buluh...enti olih anang kelalu maioh ai..laban maia ia dipansuh ia bisi ai ka diri empu..

nya ia bulih....benung ditunu.....

nya ia udah mansau!!..asai baung nya meh sepi aku.....nadai bau lang...

**Selamat Menjamu**

Mee Goreng Basah Sarawak

Berserimbai enggau cuti ari Merdeka tuk, asai ka nguji manduk Mee goreng basah baka ka gaga cina ba sarawak din aku. Tumu pagi ari minggu nyau tudah aku bebeli ka utai kena ngaga ia baka jani@ngut, sayur, daun bawang & udang. Mee udah beli aku ba keda lemai ari enam. Nyadi aku ka nguji tuk tak sebarang rembang..nguji meh ko aku madah ka bini aku....peda meh sekeda gambar baruh tuk...

Nyadi aku ngena mee ia ka besai ia...kira mee hokkien nya meh....

Tuk udang sebangai ramuan ia ..pama gak rega ia, beli aku ba Sri Muda RM15.00 sekila...beli aku setengah kilo..
Nyadi tuk isi ngut udah ditasak..dahnya bisi atau ngut gak....
Tuka sayur...saun sawi....(enda tau nadai sayur ia..)
Nyadi tuk bawang putih, daun bawang, bawang merah sereta lia mimet...kena muai angin..heee
Dah nya aku ngena tepung jagung...last lagi aku nusi nama tujuan tepung tuk...
Ok...kitai start manduk ia...pertama mee tadik mesti ka goreng rangkai ba kali. Nama kabuah pia, ngicha ka mee nya bisi bekau angus-angus mimet...fusshhh! wangi U!..maia ngoreng mee tuk anang ngena minyak..tak goreng terus...mesti selalu digirau enggai ka kelau angusss...
Tuk ko gaia ia udah digoreng...engkah ba bisen tauka ba pinggai duluk...
Dahnya kitai manduk ramuan ia..nyadi aku ngena minyak ngut kena manduk ramuan tauka kuah ia. Beleman tuk, tuang ka minyak ngut secukup ia, udah panas pasuk bawang putih, bawang merah...udah nya pasuk ka isi ngut, atau ia, udang...kacau mimet...
Kira isi udang udah mansau tambah ai aja la...kira ka baka sup ia lagik...udah nya engkah ka garam, sos tiram, gula mimet ka enggau perencah maggie (aku enda maka bicing@ajinomoto)..tabur ka lia sereta sayur
Udahnya anti aja ia engkurak...udah engkurak baru kitai engkah mee ia ka udah goreng tadik...udah engkah mee...tambah kitai enggai ai tepung jagung tadi (tepung lumai enggau ai chelap)...secukup rasa meh..pekat enda diri empu adjust...kabuah ngena tepung jagung laban kitai ka meda kuah ia engkinjur mimet...fushh!!!..nya ka nyamai....anang kelalu lama ba tuk asai chukup lalu engkah ba pinggai enggai ka mee kembai...
Haaa...siap udah mee Goreng Basah..empa maia agik panas ngam U!...tambah serbuk lada mimet ...sirut-sirut laban ia....
Lastly...ka nyamai mesti ka ngena minyak ngut maia ngoreng rempah ia....nya kabuah ba posting aku ka bukai bisi ngaga rampang lanyih...heeee....

**nyau lapar perut meda ia**

Laksa Sarawak

Aki dai..nyau puas makai mee wantan!!...ari nya makai kolo mee ba Tar Chong, Serdang tak diberi tauke Hakka mee gak...

Nyadi sekali tuk aku ka nguji manduk Laksa Sarawak. Semadi ka bisi sambal ia kirum bala ipar aku ari Sibu. Nadai enti tusah manduk Laksa tuk deh...

1) Rebus aku isik manuk. Laban isik manuk nya deka dicarik-carik kena nyampur laksa lagik
2) Ai kena rebus nya tadik anang muai ia laban ai kena nyadi ka sup ia (chara aku la)
3) Udah manuk tadik mansau...ambik isik manuk aja, dah nya lalu engkah ka sambal Laksa dalam nya, girau sampai engkurak

Perati ka meh gambar sereta chara aku ngaga ia dibaruh nya.......



Mee hoon ka dikena la...aku ngena mee hoon besar ia ka besai gik lambar...enti mee hoon ka mit nya enda entu berapa...ka bebalut.

Agik gak mee hoon tuk enda entu lama direndam.








Tuk meh gaia Sambal Laksa ka kena aku. Macahm-macham brand kelaba aku, tang ramuan ia sama aja.












Tuk ko gaia kuah ia...ai nya ai isik manuk tadik. Panduk sampai engkurak, engkah garam secukup rasa meh...












Kena ngenyamai ka ia gik, campur aku enggau pucuk kechala (Bunga Kantan ko sida semenanjung)











Tuk udang kena aku. Rebus kitai aja udang tuk, laban kena nyampur ia maia udah tembu...












Tuk daup sup, pen kena nyampur. Enti ka gik ngam gik, campur daun bawang pen manah.......












Aaaa...tuk isik manuk tadik ia ka udah dicarik (carik maia udah chelap)











Nyadi tuk santan (ai kelapa parut)...nyadi ai santan tuk terus campur ba sup nya tadik maia ia udah engkurak. Ka nyamai gik tambah susu cair pen tau...engku enda ngena susu cair ngicha ka piau mimet ko sida...heeee









Nyadi tuk teluk goreng. Udah goreng...anti chelap duluk, dah nya baru porong mit-mit. Maia manduk teluk anak kelalu maioh ngambi ia alus (kira alus baka tosai (pemakai india) )









Ahh...nya udah di piring..nyamm mai..nyau berpeluh isi laban ia....

Maia kitai ka miring ia mesti ka betul tusun..heee
Tusun ia:-
1) Engkah mee hoon ba mangkuk
2) Tanjah ka kuah laksa tadik ni peneka meh
3) Tabur ka isi manuk
4) Tabur ka teluk goreng
5) Tabur ka daun sup/bawang
6) Picit ka buah limau mimet....

Sirut-sirut laban ia.......

Ai "lemenit" or "remenit" aka (Ice Cream Soda)

Keni ka nyepil ai tuk neh...ai "lemenit" ka "remenit".tauka Ice Cream Soda..what ever la...sebenarya ia, ai tuk chukup nyamai...maia aku gik mit suba enti maia Gawai sigi bisi aja bala anembiak ngirup ai tuk...bersarah-sarah dibeli orang...tang ba Semenanjung tuk susah ka ngiga..tuk pen semadi aku tetemu ka ia ba Pasar Borong Seri Kembangan maia kami menyanak pulai ari restoran Tar Chong...lalu ngentu enda lama ka meli daun empasa kena nyambal ari minggu....nyadi ai tuk gaga ari Kelantan..tang asai ia sigi asai ai "remenit" kitai ba Sarawak.....bagi aku la, jauh asai ia nyamai gik ari ai ka ba botol plastik nya ....mungkin ia dalam botol la....rega sebotol RM1...beli aku seikat (10 botol)..lapa deh..Ka nyamai gik asai...tuk meh chara ngirup ia (dituntum)..."anak aku nyadi model ngirup "air remenit"....haaa...
Bisi nyambal mimet t/ari kemari sambil ka meda TV....lalu ngirup ai remenit.....
Beri chelap nyamai gik ia diirup....

Musim Buah

Nyau enda berasai gak taun..datai gak musim buah...kami ba Shah Alam tuk nyau ka cha-chapoh belaban ka buah...ari rega kitai dah nemu...baka buah rian bisi 4 sepuluh, 3 sepuluh, 2 sepuluh ..sereta bisi main timbang gak.....biasa ia kami menyanak ngambi ka 4 tauka 3 sepuluh nya...kena mantup ka tetanguk....

Tuk buah duku ko orang...nyau ka baka buah lengsat kitai...tang ia jauh nyamai, manis sereta besai gik....rega ia agik ka embar-embar diatuk...aku meli ba Sri Muda, Shah Alam..RM7 sekilo.....
Haaa..tuk ia buah sikop...buah manggis ko orang....buah tuk meh nyamai di beli...asai ia tetap sama..maioh khasiat ia...kulit ia pen maioh guna.uji google meh khasiat kulit ia...sidak madik aku madah manah ka orang bisi sakit selsema, resdung ...maklumla udu ngelaban ai rimau...rega ia ok gak RM10 untuk 3 kilo.........
Selain ari nya baka buah mutan benong ia meh diatuk....rega ia dalam RM10 untuk 3 kilo...

Rampang Lanyih...

Akai dai!!...dunya nyau sibuk enggau "selsema babi (Janik)"....nyadi aku tuk benong ngoreng gemuk Janik awak ka nyadi rampang lanyih....nemu utai ka rampah lanyih??...bahagian kulit+gemuk+ isi mimet maia kita netak ia...dah nya doreng terus......goreng enda iboh ngena minyak ia....terus goreng...anang entu angsu endar enggai ka kelalu pait...sesedang ia meh....enti ba semenanjung maioh rampang lanyih campur orang ba Hokkien Mee...
haaa..sekilo lebih gemuk janik beli aku ba Sri Muda, Sek 25.sekilo RM8...nyampau dirik gak udah nyadi bisi sebotol nescafe ka besai....

Nyadi tuk minyak Janik hasil ari ka digoreng tadik...umbas ia penyampau minyak ia....kena ngoreng sayur manah minyak tuk...jauh ngam ari minyak bukai naka cap Knife, Sri Murni tauka minyak ka bukai......ba kedai cina maioh ngena minyak janik kena ngoreng sayur baka ..kira salah satu cara kena cost down meli minyak masak la ...haaaaa.

Note: Selsema babi enda berampit ari gaia kitai ka makai babi...bakanya mega selsema burung...

Ngarap ka rega babi nurun...olih bbq tiap-tiap minggu ila.........